मेधा सुदुंबरेकर

मेधा सुदुंबरेकर यांनी अभिनव कला महाविद्यालयातून जीडी आर्ट पूर्ण केल्यानंतर त्यांनी काही काळ जाहिरात क्षेत्रात काम केले. त्यानंतर बारा वर्षांपेक्षा अधिक काळ त्या शाळांमध्ये आर्ट आणि क्राफ्टचे अध्यापन करत होत्या. आर्ट आणि क्राफ्टची अनेक शिबिरे तसेच कलावर्गही त्या घेतात. ‘सकाळ’ मधील त्यांचे या विषयाचे सदर गाजले होते. सामाजिक क्षेत्रात काम करणाऱ्या काही संस्थांबरोबरही त्या काम करतात. यात आर्थिकदृष्ट्या निम्नस्तरातील मुले व महिलांसाठी वर्ग घेऊन त्यांना स्वावलंबी होण्यासाठी त्या मदत करतात. त्या नियमीतपणे स्केचिंग व पेंटिंगही करतात. वॉटरकलरच्या काही ग्रुप शोज्‌मध्येही त्या सहभागी झाल्या आहेत. पुस्तकांच्या आतील चित्रांचे व मुखपृष्ठाचे कामही त्यांनी केले आहे व त्यासाठी त्यांना पुरस्कारही मिळाले आहेत.